സംസ്ഥാനത്തെ പൊതു പാതകളിലും, വഴിയോരങ്ങളിലും സമ്മേളനങ്ങള് നടത്തുന്നത് നിരോധിച്ചു കൊണ്ടുള്ള ഹൈക്കോടതി വിധി സ്വാഗതാര്ഹമാണ്. വിധിയെ എതിര്ക്കുന്നവര് പൌരാവകാശത്തെപ്പറ്റി ഘോരഘോരം പ്രസംഗിക്കുമ്പോള് യാത്ര ചെയ്യുക എന്ന സാധാരണക്കാരന്റെ അടിസ്ഥാന ആവശ്യത്തെ കണ്ടതായി നടിക്കുന്നില്ല. പൊതുനിരത്തില് നടക്കുന്ന ഒരു ചെറിയ പ്രകടനത്തിനോ വഴി തടഞ്ഞു നടത്തുന്ന ഒരു പൊതു യോഗത്തിനോ സാമാന്യ ജനത്തെ കുറച്ചു നേരത്തേക്കെങ്കിലും ബന്ദികളാക്കാന് കഴിയുന്നു. സുഗമമായ ഗതാഗതം മാത്രമല്ല ജനങ്ങളുടെ സുരക്ഷയും ഈ വിധി ഉറപ്പ് വരുത്തുന്നു. റോഡരികില് നടന്ന പൊതുയോഗത്തിലേക്ക് വാഹനം ഇടിച്ചു കയറി ഉണ്ടായിട്ടുള്ള അപകടങ്ങള് എത്രയോ റിപ്പോര്ട്ട് ചെയ്യപ്പെട്ടിരിക്കുന്നു. ജനാധിപത്യ സംവിധാനത്തില് കോടതി വിധികളെ മാനിക്കുവാന് ജനപ്രതിനിധികള്ക്കും രാഷ്ട്രീയ പാര്ട്ടികള്ക്കും ബാധ്യത ഉണ്ടെന്ന് ഓര്മിക്കുന്നതു നന്ന്.
ജീന സണ്ണി, ഞള്ളിയില്
No comments:
Post a Comment